Ninaunganisha vipi?
Una vocha? Weka code kwenye “Code ya vocha”, kisha bonyeza “Unganisha”.
Unalipia kwa simu? Chagua kifurushi, weka namba yako na bonyeza “Lipa”. Thibitisha ombi kwenye simu yako, kisha subiri hapa.
Nikikatika, nanunua tena?
Hapana, kama bado una muda. Bonyeza “Endelea” kama inaonekana, au weka vocha ileile. Kwa code ya SMS, fungua “Msaada” kisha “Ulishalipia? Unganisha tena”. Kifurushi kitaendelea na muda uliobaki, si muda mpya.
Ukiunganisha kifaa kingine, cha zamani huondolewa. Kifurushi kikiisha, nunua kingine.
Pesa imekatwa, sijaunganishwa.
Usilipe tena. Baki kwenye ukurasa huu. Kama code imefika kwa SMS, fungua “Msaada” kisha “Ulishalipia? Unganisha tena”.
Usipopata muunganisho, wasiliana na msaada ukiwa na namba uliyolipia, kiasi, muda na kumbukumbu ya muamala. Usitume PIN au code ya siri ya malipo.
Code haijakubaliwa au SMS haijafika.
Hakiki code kisha ujaribu tena. Ujumbe ukisema kifurushi kimeisha, muda wake umefika mwisho.
Kama ulinunua vocha, hakiki na wakala kwamba aliweka namba yako sahihi kwa SMS. Kama pesa ilikatwa lakini huna code, wasiliana na msaada kabla ya kulipa tena.
Mtandao ni polepole au haujafunguka.
Hakikisha umeunganishwa kwenye Wi-Fi ya TELEZA. Sogea sehemu yenye signal nzuri, kisha ujaribu kuunganisha tena kama kifurushi bado kina muda.
Umbali, vizuizi na msongamano vinaweza kuathiri kasi.
Masharti rahisi ya kutumia huduma.
Kifurushi chako
Huduma hutolewa kwa muda na bei ya kifurushi ulichochagua. Muda ukianza, unaendelea hata usipotumia intaneti. Kuunganisha tena hakubadilishi muda wa mwisho.
Matumizi yanayokubalika
Tumia huduma kwa njia halali na bila kuathiri usalama au matumizi ya wengine. Kifurushi ni cha kifaa kimoja kwa wakati; linda code yako.
Upatikanaji wa huduma
Kasi na muunganisho vinaweza kuathiriwa na eneo, msongamano au matengenezo ya mtandao.
Ofa kwa SMS
Ukilipia kwa simu, TELEZA inaweza kukutumia ofa kwa SMS kwenye namba hiyo, zisizozidi moja kwa wiki. Kila ofa ina kiungo cha kujiondoa bure; ukijiondoa, hutapokea ofa zake tena. Ujumbe kuhusu malipo na kifurushi chako unaendelea kufika.
Unapohitaji msaada
Wasiliana nasi kuhusu tatizo la huduma au malipo. Kama pesa imekatwa bila muunganisho, usilipe tena kabla ya kupata msaada.
Jinsi taarifa zako zinavyotumika.
Kuendesha huduma
Tunatumia taarifa za mawasiliano, kifaa na miamala ili kukuunganisha, kushughulikia malipo, kutuma ujumbe wa huduma na kukusaidia.
Watoa huduma
Taarifa zinazohitajika hushirikiwa na watoa huduma wa malipo na ujumbe ili kukamilisha huduma hizo.
Linda taarifa zako
Usishiriki PIN ya malipo au code yako ya kuunganisha. Portal ya TELEZA haikuombi PIN ya mobile money.
Ofa kwa SMS
Namba uliyolipia nayo inaweza kutumika kukutumia ofa za TELEZA. Haiuzwi wala haitolewi kwa wengine kwa matangazo yao. Jiondoe bure kwa kiungo kilicho kwenye kila ofa.
Maswali kuhusu faragha
Wasiliana nasi ukiwa na swali kuhusu matumizi ya taarifa zako.
